وەزیری دەرەوەی ئەمریکا لەگەڵ سەرۆکی پانەما کۆدەبێتەوە

ئاڤا نیوز

وەزیری دەرەوەی ئەمریکا یەکەم سەردانی دەرەوەی وڵاتی بۆ پەناما دەبێت و لەگەڵ سەرۆکی ئەو وڵاتە کۆدەبێتەوە.

 

وێنە گەورەکە: ڕۆژی 2-2-2025، وەزیری دەرەوەی ئەمریکا بۆ تاوتوێکردنی داواکارییەکانی دۆناڵد ترەمپ، سەرۆکی ئەمریکا سەبارەت بە کۆنتڕۆڵکردنەوەی کەناڵی پانەما لەگەڵ سەرۆکی ئەو وڵاتە کۆدەبێتەوە.

 

لێدوانی فەرمی: مارکۆ ڕۆبیۆ، وەزیری دەرەوەی ئەمریکا ڕایگەیاند: ''ئەم سەردانە بە ڕێکەوت نییە، سەردانەکە بۆ بەرەو پێشبردنی بەرژەوەندییەکانی ئەمریکایە لە ناوچەکەدا، دەمانەوێت جارێکی دیکە کەناڵی پانەما بەڕێوەببەین''.

 

بۆچوونی لایەنی بەرامبەر: سەرۆکی پانەما، پێشتر چەندین جار دووپاتی کردووەتەوە بەهیچ شێوەیەک دانووستاندن لەسەر گەڕاندنەوەی خاوەندارێتی کەناڵی پانەما بۆ ئەمریکا ناکەین و گوتی، '' هیوادارم  ڕوبیۆ لەبری ئەوە سەرنجی لەسەر بەرژەوەندییە هاوبەشەکانمان وەک پرسی کۆچبەری نایاسایی و بەرەنگاربوونەوەی بازرگانیکردن بە ماددە هۆشبەرەکان بێت.

زانیاریی زیاتر: ئەمریکا دەیەوێت کەناڵی پانەما بخاتەوە ژێر کۆنترۆڵی خۆی و پێیوایە دەسەڵاتدارانی چین دەستێوەردان لە بەڕێوەبردنی ئەو کەناڵە دەکەن و باجی زیاتر بەسەر کەشتییە ئەمریکییەکان دەسەپێنن.