لە ماوەی 30 ساڵدا بارانبارین لە سلێمانی بە ڕێژەیەکی بەرچاو کەمیکردووە

ئاڤا نیوز

 

بەڕێوەبەرایەتی کەشناسیی سلێمانی ڕایگەیاند، ئەمساڵ بە تێکڕا بەراورد بە 30 ساڵی ڕابردوو ڕێژەی بارانبارین 100 ملم کەمیکردووە و پلەی گەرمیش بەرزتر بووەتەوە.

 

وێنە گەورەکە: داتاکانی کەشناسی لە هەرێمی کوردستان لەلایەن وێستگەی کەشناسیی بەڕێوەبەرایەتییەکانەوە تۆمار دەکرێت، ئەمەش لە پێناو دەستخستنی داتای دروست لەسەر گۆڕانکارییەکانی کەشوهەوا.

 

ڕاگەیێنراوی فەرمی: ئەمڕۆ بەڕێوەبەرایەتی کەشناسیی سلێمانی یەکشەممە ڕایگەیاند، مانگی یەک، لە پارێزگای سلێمانی تەنیا 25.2 ملم باران باریووە، ئەم ڕێژەیە بەراورد بە تێکڕای سێ دەیەی ڕابردوو 100 ملم کەمیکردووە.

 

زانیاریی زیاتر: لەبارەی پلەکانی گەرما، بەڕێوەبەرایەتی کەشناسیی سلێمانی دەڵێت: مانگی یەکی ئەمساڵ بەراورد بە مانگی یەکی ساڵی ڕابردوو ساردتر بووە. ساڵی ڕابردوو پلەی گەرمی لەو مانگە 8.7 پلەی سیلیزی بووە، بەڵام ئەمساڵ 8.1 پلەی سیلیزی بووە. پلەی گەرمی ئەمساڵ بەراورد بە 30 ساڵی ڕابردوو بە تێکڕا 1.3 پلەی سلیزی گەرمتر بووە.