ئەندامێکی کۆنگرێسی ئەمریکا: دوای سووریا نۆرەی عێراقە

 

ئاڤا نیوز

ئەندامێکی کۆنگرێسی ئەمریکا عێراق ئاگادار دەکاتەوە و دەڵێت گۆڕانکارییەکانی ڕۆژهەڵاتی ناوەڕاست بەردەوامن و دوای سووریا، نۆرەی ئێوەیە.

چیرۆکی سەرەکی: جۆی ویڵسن ئەندامی کۆنگرێسی ئەمریکا لە بارەی گۆڕانکارییەکانی ڕۆژهەڵاتی ناوەڕاست هۆشداری لە بارەی گۆڕانکارییەکان دەدات و دەڵێت، سووریا یەکەمین وڵات بووە بۆ گۆڕانکارییەکانی ناوچەکە، دوای ئەویش نۆرەی عێراق دێت.

ڕاگەیێنراوی فەرمی: جۆی ویڵسن ئەندامی کۆنگرێسی ئەمریکا لە پۆستێکی لە تۆڕی کۆمەڵایەتی ئێکس دەڵێت:

- گۆڕانکارییەکانی ڕۆژهەڵاتی ناوەڕاست بەردەوامن و دوای سووریا، نۆرەی عێراق دێت.

- تونس و حوسییەکانی یەمەن بە دوای یەکدا لە ڕیزی گۆڕانکارییەکانی ڕۆژهەڵاتی ناوەڕاستدا دەبن.

- سەرجەم بوکەڵەکانی ئێران بەدوای یەکدا دەڕوخێن. {مەبەست لە بوکەڵەکانی ئێران وڵات و گرووپەکانی نزیک لە ئێرانە}.

زانیاری زیاتر: ئەم قسانە لەکاتێکدایە ساڵى ڕابردوو، هێزەکانى ئۆپۆزسیۆنى سووریا، بە ماوەیەکى کەم توانییان دەسەڵاتى بەشار ئەسەد، سەرۆکى سووریا کۆتایی پێبهێنن، کە زۆرێک لە چاودێران پێیانوایە، ئەوە پلانێکى نێودەوڵەتى بووە.