ئەحمەد شەرع و ئەردۆغان لە ئەنقەرە کۆبوونەوە

ئاڤا نیوز

 

ئەحمەد شەرع، سەرۆکی سووریا بۆ قۆناغی ڕاگوزەر، لە دووەم سەردانی فەرمی بۆ دەرەوەی وڵات گەشتە ئەنقەرە و لە کۆشکی کۆماریی، لەگەڵ ڕەجەب تەیب ئەردۆغان سەرۆککۆماری تورکیا کۆبوونەوە.

 

لێدوانی فەرمی: فەخرەددین ئاڵتون، بەرپرسی فەرمانگەی پەیوەندییەکانی سەرۆکایەتیی تورکیا ڕایگەیاند: ئەحمەد شەرع لەسەر بانگهێشتی ڕەجەب تەیب ئەردۆغان، سەرۆککۆماری تورکیا سەردانی ئەنقەرەی کردووە و چەندین کۆبوونەوەی گرنگی دیکە لەگەڵ بەرپرسانی تورکیا ئەنجام دەدات.

 

زانیاریی زیاتر: پرسی سەرەکیی کۆبوونەوەکان بوونیادنانەوەی سوریا، پرسی کورد و پاراستنی سنورەکانی هەردوو وڵات دەبێت.

 

ئەوەی پێویستە بیزانیت: میدایاکانی تورکیا پێشبینی دەکەن تورکیا و سووریا چەندین ڕێککەوتنی ئەمنیی واژۆ بکەن لەوانە: 

 

•    تورکیا ڕاهێنان بە هێزی سەربازی و فرۆکەوانە سوورییەکان دەکات.
•    تورکیا دوو بنکەی سەربازی لە سووریا دادەمەزرێنێت.
•    تورکیا فرۆکەی شەڕکەری F-16  لە سووریا جێگیر دەکات.