مووچەی مانگی یەکی مامۆستایانی گرێبەست دابەش دەکرێت

ئاڤا نیوز

بڕیارە مووچەی مامۆستایانی گرێبەست و شایستەی دارایی مانگەکانی حەوت و هەشتی مامۆستایانی گرێبەست دابەش بکرێت.

وێنە گەورەکە: ڕۆژی 2025-02-04، بەغدا بڕی 958 ملیار و 12 ملیۆن و 332 هەزار و 759 دیناری وەک مووچەی مانگی یەکی 2025ـی خستە سەر هەژماری وەزارەتی دارایی و ئابووری، لە لقی هەولێری بانکی ناوەندیی عێراق.

لێدوانی فەرمی: عەلی ڕەئوف، نوێنەری مامۆستایانی گرێبەست، بە ئاڤا میدیای ڕاگەیاند:

- سەرەتای هەفتەی داهاتوو مووچەی مانگی یەکی مامۆستایانی گرێبەست دابەش دەکرێت.

- شایستەی دارایی مانگەکانی حەوت و هەشتی 2024یش بە زووترین کات فەرمانی خەرجکردنی دەدرێت، واتە لە یەک هەفتەدا سێ مووچە بە مامۆستایان دەدرێت.