پاریس میوانداری کۆبوونەوەیەکی تایبەت بە پرسی سووریا دەکات

ئاڤا نیوز

 

لە پاریسی پایتەختی فەرەنسا کۆبوونەوەیەکی وەزاری سەبارەت بە سووریا دەکرێت، مەبەست لە کۆبوونەوەکەش دروستکردنی بەرەیەکە بۆ پشتگیری و پشتیووانی لە حکومەتی نوێی ئەو ڵاتە. 

 

وێنە گەورەکە: ڕۆژی 13-2-2025، لە پاریسی پایتەختی فەڕەنسا کۆنفرانسێکی نێودەوڵەتیی سەبارەت بە سووریا دەکرێت کە بە درێژکراوەی کۆبوونەوەی ' عەقەبە' دادەنرێت و ئەمجارە لە ژێر ناونیشانی 'عەقەبە +' دەبێت، ئەمەش بە  ئامانجی هەماهەنگی هەوڵە ناوچەیی و نێودەوڵەتییەکان بۆ پشتیووانیکردن لە قۆناغی ڕاگوزەری لەو وڵاتە.

 

ئەوەی پێویستە بیزانیت: لەم کۆنفرانسەدا تیش دەخرێتە سەر هەماهەنگی هەوڵەکان بۆ ئاسانکاری کردن لە گواستنەوەی دەسەڵات بە شێوەیەکی ئاشتییانە لە نوێنەرایەتی گەلی سووریا و دەستەبەرکردنی سەروەری و ئاسایشی وڵات، کۆکردەوەی هاوکاری زیاتر بۆ گەلی سووریا و پاڵپشتیکردنی ئابووری سووریا.

 

زانیاریی زیاتر: لەم کۆنفرانسە وەزیرانی هەشت وڵاتی عەرەبی لەگەڵ هاوتاکانیان لە نوێنەری گرووپی حەوت و شەش وڵاتی ئەوروپا و ئەمریکا بەشدار دەبن، لەو چوارچێوەیەدا ئیمانوێل ماکرۆن، وتارێک پێشکەش دەکات.