کۆتایی ئەم هەفتەیە بەفر لە سەنتەری شارەکان دەبارێ و هەرچوار پارچەی کوردستان دەگرێتەوە

 

ئاڤا نیوز

شێخ دارا دوای ماوەیەک دابڕان بەهۆی نەخۆشییەوە گەڕایەوە سەر شاشە پێشبینی کەش و هەوای ڕۆژانی داهاتوو دەکات و ئاماژە بەوە دەدات، کۆتایی ئەم هەفتەیە شەپۆلێکی بەفربارین ناوچەکانی هەرێمی کوردستان دەگرێتەوە و سەنتەری شارەکانیش دەگرێتەوە.

وێنە گەورەکە: ئێستا کاریگەری شەپۆلی دەریای سوور لەسەر ناوچەکەیە درەنگانی شەو ئەگەر هەیە بارانبارین بگاتە ناوچەکانی هەرێمی کوردستان و ڕۆژی یەکشەممە بەبڕی جیاواز لە ناوچەکانی هەرێمی کوردستان دەبارێت هەروەها ئەگەری بەفربارین لە ناوچە شاخاوییەکان هەیە و ئەم شەپۆلە بۆ دوو ڕۆژ بەردەوام دەبێت.

لێدوانی فەرمی: شێخ دارا، شارەزا و پێشکەشکاری کەشوهەوا، لە گەشتی هەواڵەکانی کاتژمێر 07:00 ڕایگەیاند، "ڕۆژانی دووشەممە و سێشەممە کەش ئاسایی دەبێتەوە، بەڵام لە ڕۆژی چوارشەممەوە کاریگەری جەمسەری باکوور و سیبیری دێتەوە ناوچەکانی ڕۆژهەڵاتی ناوەڕاست و شەپۆلێکی چڕی بەفر و باران هەرێمی کوردستان دەگرێتەوە، بەفر لە سەنتەری شارەکانیش دەبارێت".