پەرلەمانی فەرەنسا چەند جۆرێکی کەلوپەلی ناوماڵ و پێداویستی ڕۆژانە قەدەغە دەکات

ئاڤا نیوز

 

پەرلەمانی فەرەنسا بەکۆیی دەنگ بڕیاریدا بە سنووردارکردنی بەرهەمهێنان و فرۆشتنی چەند جۆرێکی کەلوپەلی ناوماڵ و پێداویستی ڕۆژانەی خەڵک کە ماددەی کیمیایی مەترسیداریان تێدایە. 

 

وێنە گەورەکە: پەرلەمانی فەرەنسا بە دەنگی 231 ئەندامی بڕیاریدا بە سنووردارکردنی ئەو بەرهەم و کەلوپەلانەی کە ماددەی کیمیایی پێر و پۆلیفلۆرۆئەلکیلیان تێدا بەکارهاتووە تا ماوەی مانەوەیان زیاتر بێت.

 

زانیاریی زیاتر: ئێستا پێویستە ئیمانوێل ماکرۆن، سەرۆکی فەرەنسا واژۆ لەسەر ئەو یاسایە بکات کە لە پەرلەمانی فەرەنسا تێپەڕێندراوە، دوای واژۆی سەرۆکی فەرەنسا بە فەرمی یاساکە لەو وڵاتە کاری پێدەکرێت.

 

ئەوەی پێویستە بیزانیت: بەرکەوتنی درێژخایەن تەنانەت بە ڕێژەیەکی کەمی ماددە کیمیاییەکانی پێر و پۆلیفلۆرۆئەلکیلیان دەبێتە هۆی تێکچوونی فەرمانی جگەر و بەرزبوونەوەی کۆلیسترۆڵ و کەمبوونەوەی توانای بەرگری لەش و کەمبوونەوەی کێشی لەدایکبوونی کۆرپەی ئەو دایکانەی ئەو ماددانەیان بەردەکەوێت، تەنانەت تووشبوون بە چەند جۆرێکی نەخۆشی شێرپەنجە و ئەم ماددانەش لە جلوبەرگ و فەرش و بەرهەمی پاککەرەوە و تەنانەت جوانکاری ژنان بەکاردێت.