قەییوم بۆ شارەوانییەکی دیکەی دەم پارتی دانرا

ئاڤا نیوز

 

بە بڕیاری وەزارەتی ناوخۆی تورکیا، محەممەد ئەلکان، سەرۆک شارەوانی شارۆچکەی کاغیزمان سەر بە پارێزگای قەرسی باکووری کوردستان، کە لە پشکی دەم پارتییە، بە تۆمەتی" ئەندام بوون لە پەکەکە" بڕیاری 6 ساڵ و سێ مانگ زیندانیکردنی بۆ دەرچوو و قەییوم لە شوێنی دانرا. 

 

چیرۆکی سەرەکی: محەممەد ئەلکان، لەلایەن دادگاوە بڕیاری 6 ساڵ و سێ مانگ زیندانیکردنی بۆ دەرچوو، پۆلیس هەڵیکوتایە سەر باڵەخانەی شارەوانی کاغیزمان و ئەلکمانیان لە کارەکەی دوورخستەوە، ئۆکان داشتان، قایمقامی ناحیەکەیان لە شوێنی دانا. 

 

کاریگەریی و لێکەوتەکان: دەم پارتی ناڕەزایەتی لە دژی ئەم بڕیارە دەربڕی و ڕایگەیاند، لابردنی سەرۆک شارەوانییەکانی دەم پارتی هەڵگیرسانی شەڕێکە لەلایەن ئاک پارتییەوە لە دژی دەنگ و ئیرادەی خەڵک، سیستمی دانانی قەییووم لەناودەچێت و ئیرادەی خەڵک دەیباتەوە.  

 

باکگراوند: لە دوای هەڵبژاردنەکانی 31ی ئادارەوە لە 12 شارەوانی دەم پارتی کە بە دەنگی خەڵک بەدەستهێنراون، سەرۆک شارەوانییەکانیان بە تۆمەتی جیاواز لە پۆستەکانییان دوورخراونەتەوە و قەییووم لە شوێنی ئەوان دانراوە.