وردبینی لە لیستی مووچەی مانگی دوو دەستپێدەکات

 

ئاڤا نیوز

تیمێکی وەزارەتی دارایی و ئابووری هەرێمی کوردستان لە بەغدان و لیستی مووچەی مانگی دووی مووچەخۆران ڕادەستی وەزارەتی دارایی حکومەتی عێراق دەکەن، لەسەر وردەکارییەکانی لیستەکە کۆبوونەوەیەک لەگەڵ هاوتاکانیان دەکەن.

چیرۆکی سەرەکی: بۆ یەکەمجارە لیستی مووچەی مانگی دوو بە سیستمی پەیڕۆڵ ئامادەکراوە و سەرجەم کێشەکانی چارەسەرکراون، نزیکەی 680 هەزار کەس تۆماركراوە، ناوی فەرمانبەرانی مەدەنی و سەربازیش کرا بە یەک لیست و خانەنشینانی نوێش جیاکراونەتەوە.

زانیاریی تایبەت: سەرچاوەیەکی باڵا لە وەزارەتی دارایی و ئابووری ڕایگەیاند: بەڕێوەبەری ژمێرکاری هاوشانی تیمێک لە بەغدان لەگەڵ هاوتاکانیان کۆدەبنەوە، هەروەها تیمێکی ئایتیان لەگەڵە بۆ ئەوەی هەر تێبینییەک لەسەر لیستی مووچە هەبێت هەر لەوێ چارەسەری بکەن و بەزووترین کات پارەی مووچەی مانگی دوو خەرج بکرێت.

ئەمەش بزانە: لیستی مووچەی مانگی دوو دەكرێتە بنەما بۆ مانگەکانی ئەمساڵ و بەهۆی ڕاگرتنی سەرمووچە و پلەبەرزكردنەوە و گواستنەوە لەلایەن بەغداوە، بۆیە بۆ ئامادەکردنی لیستی مانگەكانی دیكە ئاسانتر دەبێت و کەمتر لە دوو هەفتەی پێویست دەبێت.