یەكەم وڵات ڕۆژی یەكەمی مانگی ڕەمەزان ڕادەگەیەنێت

 

ئاڤا نیوز

ئیندۆنیزیا وەك یەكەم وڵات ڕایگەیاند، سبەی شەممە یەكەم ڕۆژی مانگی پیرۆزی ڕەمەزانە.

چیرۆكی سەرەكی: زۆربەی وڵاتانی عەرەبی ئێوارەی ئەمڕۆ بەمەبەستی دیاركردنی یەكەمین ڕۆژی مانگی ڕەمەزان، چاودێریی بینینی مانگ دەكەن، هاوكات لە عێراق و هەرێمی كوردستانیش چاودێریی بینینی مانگ دەكرێت.

ڕاگەیێنراوی فەرمی: ناوەندی نێودەوڵەتیی فەلەكناسی ئیندۆنیزیا، ئەمڕۆ هەینی 2025-02-28، بڵاویكردەوە، سبەی شەممە 2025-03-01، یەکەم ڕۆژی مانگی ڕەمەزانە، بەمەش دەبێتە یەكەم وڵات كە بە فەرمی و لەسەر ئاستی حكومی ڕۆژی یەكەمی مانگی ڕەمەزان دیاربكات.

لە لایەکی دیکەوە: لە ئوستراڵیاش سبەی شەممە وەك یەكەم ڕۆژی مانگی ڕەمەزان دیاركرا، بەڵام ئەوەیان لەسەر ئاستی حكومی نییە و تەنیا ناوەندە ئیسلامییەكانی ئەم وڵاتە ڕایانگەیاندووە.

ئەمەش بزانە: هەریەك لە وڵاتانی فلیپین و مالیزیا، ڕۆژی یەكشەممە 2025-03-02، وەك یەكەم ڕۆژی ڕەمەزان دیاركرد.