ئەمریکا: پێویستە زێلێنسکی داوای لێبوردن بکات

ئاڤا نیوز

 

وەزیری دەرەوەی ئەمریکا لە دوای دیداری ترەمپ و زێلێنسکی ڕایدەگەینێت، پێویستە سەرۆکی ئۆکراینا داوای لێبوردن لە ترەمپ بکات.

چیرۆکی سەرەکی: ڕۆژی هەینی دۆناڵد ترەمپ، سەرۆکی ئەمریکا پێشوازیکرد لە ڤۆڵۆدێمیر زێلینسکی، سەرۆکی ئۆکراینا، لە میانەی کۆنگرەیەکی ڕۆژنامەوانی هاوبەشدا گفتوگۆی تووند لە نێوانیان دروست دەبێت، دواتر زێلینسکی بە نیگەرانییەوە  کۆشکی سپی بەجێهێشت. 

لێدوانی فەرمی: مارکۆ ڕوبیۆ، وەزیری دەرەوەی ئەمریکا ڕایگەیاند، پێویستە سەرۆکی ئۆکراینا داوای لێبوردن لە دۆناڵد ترەمپ بکات، ئێمە گومانمان وایە کە ئۆکراینا ئامادە نییە بۆ ڕێککەوتنی ئاشتی. 

بۆچوونی لایەنی بەرامبەر: ڤۆڵۆدێمیر زێلێنسکی ڕایگەیاند، شتێکی خراپمان نەکردووە، بەڵام ئەم کۆبوونەوەیە سوودی بۆ هەردوولا نەبووە، ئێمە لەگەڵ ئاشتی داین هەر بۆیەش سەردانی ئەمریکام کرد و لەگەڵ ترەمپ کۆبوومەوە.