ڕووسیا: دان بە بڕیارەکانی دادگەی دادی نێودەوڵەتیدا نانێین

ئاڤا نیوز

ڕووسیا بڕیاری دادگەی دادی نێودەوڵەتی لە لاهای بۆ دەرکردنی فەرمانی دەستگیرکردن بۆ دوو گەورە بەرپرسی سوپاکەی ڕەتدەکاتەوە و ڕایدەگەیێنێت کە دان بە بڕیارەکانی دادگەکەدا نانێت.

 

چیرۆکی سەرەکی: دادگەی دادی نێودەوڵەتی فەرمانی دەستگیرکردنی بۆ هەریەکە لە جەنەڕاڵ سێرگی کۆبیلاش و ئەدمیراڵ ڤیکتۆر سۆکۆلۆڤ، دەرکردووە. ئەوان تۆمەتبارکراون بەوەی لەنێوان ئۆکتۆبەری 2022 و مارسی 2023ـدا لە هێرشەکانیاندا ژێرخانی کارەبای ئۆکراینایان کردووەتە ئامانج. 

 

لێدوانی فەرمی: دیمیتری پێسکۆڤ، گوتەبێژی کۆشکی سەرۆکایەتیی ڕووسیا، (کرێملین)، ڕایگەیاند "ئێمە دان بەمەدا نانێین، ئەمە یەکەم بڕیار نییە و دەزانین کە کۆمەڵێک پڕۆسەی دیکەی داخراو بەڕێوەن کە بە نهێنی پارێزراون". 

 

ئەوەی پێویستە بیزانیت: ڕووسیا یەکێک نییە لە واژۆکەرانی پەیماننامەی بنەڕەتیی ڕۆما کە بە هۆیەوە دادگەی دادی نێودەوڵەتی دامەزراوە.

 

باکگراوند: ساڵی ڕابردووش دادگەی دادی نێودەوڵەتی فەرمانێکی بۆ دەستگیرکردنی ڤیلادیمیر پووتینی سەرۆکی ڕووسیا دەرکرد. لە بەرامبەردا، ڕووسیاش فەرمانێکی هاوشێوەی بۆ سەرۆکی دادگەی دادی نێودەڵەتی دەکرد.