لە ماوەی مانگێکدا هەناردەی نەوتی عێراق بۆ ئەمریکا 400 ملیۆن دۆلاری تێپەڕاندووە

ئاڤا نیوز

کۆی بەهای هەناردەی نەوتی عێراق بۆ ئەمریکا لە ماوەی مانگی 1ـی 2025، زیاتر لە 400 ملیۆن دۆلار بووە، هاوکات عێراق لە پلەی دووەمی هەناردەکردنی نەوت بۆ ئەمریکا دێت لە دوای سعودیه.

 

وێنە گەورەکە: ئەمریکا یەکێک لە گەورەترین بەرهەمهێنەری نەوت و هاوکات بەکاربەری نەوتە لەسەر ئاستی جیهاندا و ڕۆژانە زیاتر لە 20 ملیۆن بەرمیل نەوت و بەرهەمە نەوتییەکان بەکاردەهێنێت.

 

بڵاوکراوەی فەرمی: بەگوێرەی بەگوێرەی داتاكانی ئیدارەی وزەی ئەمریکا، کۆی بەهای هەناردەی نەوتی عێراق بۆ ئەمریکا لە ماوەی مانگی 1ی 2025 زیاتر لە 400 ملیۆن دۆلار بووە.

زانیاریی زیاتر: عێراق لە مانگی کانوونی دووەم بڕی 5.62 ملیۆن بەرمیل نەوتی بۆ ئەمریکا بە بەهای 442 ملیۆن دۆلار هەناردە کردووە.

ئەوەی پێویستە بیزانیت: عێراق له پلەی دووەمی هەناردەکردنی نەوت بۆ ئەمریکا دێت لە دوای سعودیه، بەجۆرێک هەناردەی سعودیە بۆ ئەمریکا 9 ملیۆن و 61 هەزار بەرمیل بووە، لیبیا لە پلەی سێیەم دێت بە هەناردەکردنی 2.15 ملیۆن بەرمیل، کوێت لە پلەی چوارەم دێت بە هەناردەکردنی 1.4 ملیۆن بەرمیل و ئیماراتیش لە پلەی چوارەم دێت بە هەناردەکردنی یەک ملیۆن بەرمیل.