کۆشکی سپی پەیامێک ئاراستەی ئێران دەکات: دوو بژاردەتان لەبەردەمە

ئاڤا نیوز

 

واشنتن وەڵامی کۆماری ئیسلامی ئێران لەسەر ڕەتکردنەوەی بانگەوازەکەی ترەمپ سەبارەت بە ڕێککەوتنی ئەتۆمی دەداتەوە و دوو بژاردە دەخاتە بەردەم تاران.

 

چیڕۆکی سەرەکی: دوای ئەوەی دۆناڵد ترەمپ، سەرۆکی ئەمریکا گوتی، نامەیەکی بۆ عەلی خامنەیی، ڕێبەری باڵای ئێران ناردووە و تێیدا ئامادەیی واشنتنی بۆ دانوستاندن لەگەڵ ئەو وڵاتە دەربڕیووە، بەڵام ئێران ڕەتیکردەوە نامەیەکی لەم جۆرەی بەدەست گەیشتبێت و تاران هەر زوو ڕایگەیاند، لەژێر هەڕەشە تووندەکان دانوستاندن ناکات.

 

لێدوانی فەرمی: برایان هیوز، وتەبێژی ئەنجوومەنی ئاسایشی نەتەوەیی کۆشکی سپی ئەمریکا ڕایگەیاند،  "هیوادارین حکومەتی ئێران بەرژەوەندییەکانی خەڵکەکەی و ڕژێمەکەی بخاتە سەرووی تیرۆرەوە."

 

بۆچی گرنگە: چەندین ساڵە هەواڵی دانوستاندنی نێوان ئەمریکا و ئێران بەردەوام چاوی میدیاکارانی لەسەرە، بەڵام زۆرینەی کات هەوڵەکان بێ ئەنجام ماونەتەوە، ئێرانیش لەسەر هەڵوێستی خۆی سوورە و بە هیچ شێوەیەک دانوستاندن لەگەڵ ئەمریکا ناکات و بە ڕاگرتنی به‌رنامه‌ی ئه‌تۆمییەکەی ڕازی نابێت.

 

زانیاریی بەدەستهاتوو: هیوز دەشڵێت، ئیدارەی ترەمپ، "دەتوانێت لە ڕێگەی سەربازییەوە یان لە ڕێگەی دانوستاندن مامەڵە لەگەڵ تاران بکات''