لیستی ئەو کەسانەی 12 مووچە دەیانگرێتەوە ئامادە دەکرێت

 

ئاڤا نیوز

خانەنشینانی نوێ مامەڵەی وەرگرتنی 12 مووچەکە دەکەن و هەموویان لە لیستێکدا کۆدەکرێنەوە لە بەڕێوەبەرایەتیی خانەنشینی پارێزگاکانەوە بۆ بەڕێوەبەرایەتی گشتیی خانەنشینی دەنێردرێت دوای وردبینی و پێداچوونەوە ڕەوانەی بەغدا دەکرێت.

وێنە گەورەکە: ڕۆژانە سەدان خانەنشین کە تەمەنیان سەرووی 60 ساڵییە مامەڵەی دەستلەکارهەڵگرتن لەفەرمانگەکانیان و خانەنشین بوونیان دەکەن، لەسەر داوای وەزارەتی دارایی عێراق لیستی ئەو خانەنشینانە جیادەکرێتەوە کە 12 مووچەکە دەیانگرێتەوە.

زانیاریی تایبەت: بەگوێرەی بەدواداچوونی ئاڤا تاوەکو ئێستا زیاتر لە 200 مامەڵە بۆ مووچەی مانگی سێ لە بەڕێوەبەرایەتییەکانی خانەنشینی پارێزگاکان جیاکراونەتەوە ڕەوانەی خانەنشینی گشتیی هەرێمی کوردستان دەکرێت، دوای پێداچوونەوە ڕەوانەی وەزارەتی دارایی عێراق دەکرێت.

ئەوەی پێیوستە بیزانیت: سەرجەم ئەو خانەنشینانەی لە 2025-01-01 خانەنشین بوون، خزمەتیان زیاترە لە 25 ساڵ و 180 ڕۆژ مۆڵەتی کۆکراوەیان هەیە،  شەش مووچە بە مووچەی بنەڕەتی لەو دامەزراوەیە وەردەگرن کە خزمەتی وەزیفیان تێیداکردووە،  12 مووچەی دیکەیان تەواو لەلایەن بەغداوە بۆیان دەنێردرێت.