ئیسرائیل: لە باشووری لوبنان دەمێنینەوە

ئاڤا نیوز

سەرەڕای ڕێککەوتنی ئاگربەستی نێوان ئیسرائیل و لوبنان، بەڵام ئیسرائیل دەڵێت، لە باشووری ئەو وڵاتە ناکشێتەوە.

لێدوانی فەرمی: ئیسرائیل کاتز، وەزیری بەرگریی ئیسرائیل ڕایگەیاند، سوپای ئیسرائیل لە پێنج بنکە لە باشووری لوبنان ناکشێتەوە و تا کاتێكی نادیار لەو بنکانە دەمێنێتەوە. 

زانیاریی زیاتر: "سەرەڕای ئەوەی دانوستاندنی تایبەت بە دەستنیشانکردنی خاڵە سنوورییەکان لە ئارادایە، بەڵام مانەوەی ئیسرائیل لەو شوێنانە لە باشووری لوبنان بۆ پاراستنی دانیشتووانی باکووری ئیسرائیل پێویستە". کاتز وادەڵێت.

لەلایەکی دیکە: بەگوێرەی میدیاکانی ئیسرائیل وەزیری بەرگریی ئیسرائیل فەرمانی دەرکردووە بۆ بەهێزکردنی پێگە سەربازییەکانی ئیسرائیل لە خاڵە سنووریەکان، هەروەها بۆ نیشاندانی کاردانەوەی تووند لەبەرامبەر "سەرپێچییەکان"ـی حیزبوڵای لوبنان.