هەولێر و بەغدا لە بواری هەواڵگری هاوئاهەنگی دەکەن

ئاڤا نیوز

 

لەپێناو پاراستنی ئاسایش و سەقامگیریی هەرێمی كوردستان، عێراق و ناوچەكە، سەرۆكوەزیران مەسرور بارزانی و سەرۆکی دەزگای هەواڵگریی عێراق کۆبوونەوە.

 

ڕاگەیێنراوی فەرمی: بەپێی ڕاگەیێنراوی سەرۆكایەتیی ئەنجوومەنی وەزیرانی هەرێمی كوردستان، ئەمڕۆ یەکشەممە 16-3-2025، سەرۆکوەزیران مەسرور بارزانی، پێشوازی لە حەمید ئەلشەتڕی، سەرۆکی دەزگای هەواڵگریی نیشتمانیی فیدراڵ کرد.

 

باسی چی كرا:  بەگوێرەی ڕاگەیێنراوەکە، لە دیدارەکەدا گفتوگۆ لەبارەی دوایین گۆڕانکاری و پێشهاتەکانی دۆخی گشتی و ئەمنيی عێراق و ناوچەکە کرا. هاوکات جەخت لە پەرەپێدانی هەماهەنگی نێوان هەرێمی کوردستان و حکومەتی فیدراڵ لەپێناو پاراستنی ئاسایش و سەقامگیری کرا.