حووسییەکان: کەشتی فرۆکەهەڵگری ئەمریکامان لە دەریای سوور کردە ئامانج

 

ئاڤا نیوز

حووسییەکان، لە دەریای سوور و بە بەکارهێنانی موشەکی بالیستی ئێران کەشتی فڕۆکەهەڵگری ئەمریکا و هێزەکانی ئەو وڵاتەیان کردووەتەوە ئامانج.

چیرۆکی سەرەکی: ڕۆژی شەممە 2025-03-15، دۆناڵد ترەمپ، سەرۆکی ئەمریکا،  فەرمانی دەستپێکردنی ئۆپەراسیۆنێکی بەرفراوانی دژی حووسییەکانی یەمەن دا و هۆشداریشیدا دەبێت حووسییەکان هێرشەکانیان لە دەریای سوور بوەستێن، ئەگەر نا "شاهیدی دۆزەخ دەبن کە پێشتر هەرگیز نەتانبینیوە".

لێدوانی فەرمی: یەحیا سەریع، وتەبێژی حووسییەکان ڕایگەیاند، کەشتیی فڕۆکە هەڵگری ئەمریکی یو ئێس ئێس هاری ترومان و کەشتییە جەنگییەکانی دیکەی ئەمریکایان لە باکووری دەریای سوور بە 18 مووشەکی بالیستی ئێران و فڕۆکەی بێفڕۆکەوان لە کاردانەوەی هێرشەکانی دوێنێ شەوی ئەمریکا بۆ سەر یەمەن کردۆتە ئامانج.

باکگراوند: حووسییەکان لە ساڵی  2023ـەوە و لەدوای دەستپێکی جەنگی نێوان ئیسرائیل و حەماس، وەکو پشتگریێک بۆ غەززە، بە مووشەک زیاتر لە سەدان جار کەشتیی سەربازی و بازرگانی  ئەمریکا و ئیسرائیلیان لە  دەریای سووریان کردووەتە ئامانج.