مەردۆخ لە تەمەنی 92 ساڵیدا هاوسەرگیری دەكاتەوە

 ئاڤا نیوز

ڕوبێرت مەردۆخ، سەرمایەدار، میدیاكار و خاوەنی پێشووی فۆكس نیوز و نیوز كۆرپ و چەندین دامەزراوەی میدیایی دیكەی جیهانی، لە تەمەنی 92 ساڵیدا و بۆ جاری شەشەم هاوسەرگیریی دەكاتەوە.

ڕاگەیێنراوی فەرمی: ئۆفیسی ڕوبێرت مەردۆخ ڕایگەیاند: مەردۆخ پلانی هەیە مانگی حوزەیرانی ئەمساڵ لەگەڵ ئێلێنا ژوكۆڤا-ی هاوڕێیدا هاوسەرگیریی بكات. ڕێوڕەسمی هاوسەرگیرییەكە لە ڕەزێكی كالیفۆریا بەڕێوەدەچێت و بانگهێشتنامە بۆ چەندین كەس نێردراوە. 

زانیاریی زیاتر: ئێلێنا ژوكۆڤا، بایۆلۆجیستێكی بەڕەگەز ڕووسە، تەمەنی 67 ساڵە.

ئەوەی پێویستە بیزانیت: مەردۆخ و ژوكۆڤا بۆ یەكەمجار لە بۆنەیەكدا یەكیان بینی كە هاوژینی ئەوكاتی مەردۆخ رێكیخستبوو.