بەفر و باران لە هەرێمی كوردستان دەستپێدەكاتەوە

ئاڤا نیوز

 

بەفر و بارانبارین لە ناوچە جیا جیاکانی هەرێمی کوردستان دەستپێدەکاتەوە و کەشوهەوا فێنکتر دەبێت.

 

وێنە گەورەکە: ئێوارەی ڕۆژی سێشەممە 18-3-2025، شەپۆلێکی دەریای سپی ناوەڕاست ڕوو دەکاتە هەرێمی کوردستان و بەهۆی کاریگەری ئەو شەپۆڵەوە پێشبینی دەکرێت لە ڕۆژی چوارشەممە 19 تاوەکو 25-3، بارانبارین ڕوو بکاتە ناوچەکانی هەرێمی کوردستان، هاوکات بەفر لە ناوچە شاخاوییەکان بەگشتی و دەورووبەری دهۆک بەتایبەتی ببارێت.

لێدوانی فەرمی: شێخ دارا، پێشکەشکاری کەشوهەوای ئاڤا ڕایگەیاند، بەفر و باران ڕوو لە ناوچەکانی هەرێمی کوردستان دەکات و پلەکانی گەرما چەند پلەیەک نزم دەبنەوە.

ئەوەی پێشبینی دەکرێت: لە زۆر شوێن باران بە بڕی 30 تا 60 ملیمەتر دەبارێت، شەپۆڵەکەش هێندە بەهێزە کە لە ناوچە شاخاوییەکان بەفر دەبارێت.