لە 48 کاتژمێری داهاتوو وردبینیکردن لە لیستی مووچە تەواو دەبێت

ئاڤا نیوز

وردبینیکردن لە لیستی مووچە لە بەغدا لە قۆناغی کۆتایی دایە و بەپێی زانیارییەکانی ئاڤا لە 48 داهاتوودا  تەواو دەبێت. دواتر دەخرێتە بەردەستی تەیف سامی بۆ پەسەندکردن و ناردنی پارە بۆ هەرێمی کوردستان.

وێنە گەورەکە: لە چەند ڕۆژی ڕابردوودا بە چڕی کار لەسەر وردبینیکردن لە لیستی مووچە کراوە، شاندی وەزارەتی دارایی کوردستان هەر لە بەغدایە و بە هاوبەشی لەگەڵ تیمیە تەکنیکییەکانی وەزارەتی دارایی عێراق کاریان کردووە.

 زانیاریی پەیامنێر: سەرچاوەیەک لە شاندی دارایی هەرێمی کوردستان بە ئاڤای ڕاگەیاند، ئەمڕۆ و دوێنێ فەرمانبەرانی پەیوەست بە مووچە لە وەزارەتی دارایی عێراق لە ڕۆژانی پشووش کاریان کردووە و  بۆ دوو مەبەست دەوامیان کردووە.

- بۆ دابینکردنی مووچەی مووچەخۆرانی عێراقە کە تاوەکو ئێستا لە عێراقدا دابەشکردنی مووچەی مانگی سێ تەواو نەبووە.

- بۆ وردبینیکردن لە لیستی مووچەی مانگی سێی مووچەخۆرانی هەرێمی کوردستان.

ئەوەی پێویستە بیزانیت: تەنیا حەوت یان هەشت ڕۆژ بۆ جەژنی ڕەمەزان ماوە، یان یەکەشەممە یان دووشەممەی هەفتەی داهاتوو جەژنە. پێشتر چەند جارێک باس لەوە کراوە کە  هەوڵەکان بۆ ئەوەن پێش جەژن مووچە دابەش بکرێت،

زانیاریی تایبەت: شاندی کوردستان لە بەغدا و لە وەزارەتی دارایی کوردستان بە ئاڤای ڕاگەیاندووە،  خۆشبەختانە تا ئێستا هیچ گرفتێک لە وردبینیکردنی لیستی مووچە دروست نەبووە، لە یەک دوو ڕۆژی داهاتوودا کە وردبینییەکە تەواو دەبێت ئەگەر هیچ نەیەتە پێشەوە ناردنی پارە و دابەشکردنی زۆر ناخایەنێت.

- تەنانەت ئەگەر کۆتایی ئەم هەفتەیەش پارە بگات دەتوانرێ لە دوو بۆ سێ ڕۆژ مووچە دابەش بکرێت.

- میزان موراجەعەی مانگی دووش کە داهاتی ناوخۆ و خەرجییەکانی حکومەتی کوردستان دەگرێتەوە، ئەویش وا خەریکە تەواو دەبێت و لە دوو ڕۆژی داهاتوودا دەنێردرێت.