كەشناسی: سبەی پلەكانی گەرما دوو پلە بەرز دەبنەوە

ئاڤا نیوز

بەڕێوەبەرایەتیی كەشناسی و بوومەلەرزەزانیی هەرێمی كوردستان ئاشكرای دەكات كە ئەمڕۆ و سبەی پلەكانی گەرما بەراورد بە دوێنێ بەرز دەبنەوە.

ڕاگەیێنراوی فەرمی: كەشناسیی هەرێمی كوردستان ڕایگەیاند: ئەمڕۆ ئاسمان بە گشتی پەڵەهەور بۆ نیمچە هەور دەبێت پلەكانی گەرما كەمێك بەرز دەبنەوە بەراورد بە تۆماركراوەكانی دوێنێ، هەروەها  سبەی ئاسمان لەنێوان پەڵەهەور بۆ نیمچە هەور دەبێت و لە ناوچە شاخاوییە بەرزەكان بۆ هەوری تەواو دەگۆڕێت و پلەكانی گەرما دوو پلە بەرز دەبنەوە.

لێدوانی فەرمی: شێخ دارا، شارەزا و پێشكەشكاری كەشوهەوای ئاڤا میدیا ڕایگەیاند: شەپۆلێكی بارانبارین لە 2025-03-29ـەوە هەرێمی كوردستان دەگرێتەوە، بەڵام لە ڕۆژانی 30 و 31ـی ئەم مانگە لەگەڵ شەپۆلی دەریای سوور تێكەڵ دەبن و لەسەر هەرێمی كوردستان لەنگەر دەگرێ و هەورەبروسكەیشی لەگەڵ دەبێت تاوەكو 2025-04-02، بەردەوام دەبێت ئینجا هەمان ڕۆژ شەپۆلێكی دیكەی دەریای سوور هەرێمی كوردستان دەگرێتەوە كە جێگەی دڵخۆشی دەبێت و بڕێكی زۆر باران لە هەرێمی كوردستان دەبارێت.