لە ماوەی 10 ڕۆژدا زیاتر لە 300 منداڵ لە غەززە کوژراون

ئاڤا نیوز

 

نەتەوە یەکگرتووەکان ڕاپۆرتێکیان بڵاوکردۆتەوە و تیادا ئاشکرا دەکات لە ماوەی 10 ڕۆژدا زیاتر لە 300 منداڵ لە کەرتی غەززە کوژراون.

 

وێنە گەورەکە: دوای 57 ڕۆژ لە وەستانی هێرشەکانی ئیسرائیل بۆ سەر کەرتی غەززە، جارێکی دیکە ئیسرائیل هێرشە ئاسمانی و زەمینییەکانی بۆ سەر کەرتی غەززە دەستپێکردەوە، لە ئەنجامی ئەم هێرشانەدا ژمارەیەکی زۆری خەڵکی فەڵەستین کوژران و برینداربوون، زۆرینەشیان منداڵبوون، لە ئەنجامی دەستپێکردنەوەی ئەم هێرشانە ژمارەی کوژراونی جەنگی غەززە تادێت بەرزدەبێتەوە.

 

ڕاگەیێنراوی فەرمی: یونیسێف ڕایگەیاند، لە ماوەی 10 ڕۆژی ڕابردوودا لانیکەم 322 منداڵ کوژراون و 609 منداڵی دیکە بریندار بوون.

-لە درێژەی ڕاپۆرتەکەدا داوا دەکات، شەڕ و پێکدادان  کۆتایی بێت و بە  ئیسرائیل کۆتایی بە قەدەغەکردنی یارمەتییە مرۆییەکان بۆ هاتنە ناو غەززە بهێنێت کە لە 2 ـی ئازارەوە کاری پێدەکرێت.

 

لێدوانی فەرمی: کاترین ڕوسیل، بەڕێوەبەری جێبەجێکاری یونیسێف ڕایگەیاند، هەموو لایەنەکان دەبێ پابەندبن بەپێی یاسا مرۆییە نێودەوڵەتییەکان بۆ پاراستنی منداڵان.

 

ژمارەکان وادەڵێن: لە درێژەی ڕاپۆرتەکەدا هاتوو، لە ئەنجامی شەڕی غەززە زیاتر لە 15 هەزار منداڵ کوژراون، نزیکەی ملیۆنێک منداڵیش چەندین جار ئاوارە بوون، لە خزمەتگوزارییە سەرەتاییەکان بێبەش کراون