هاوکاری دارایی هاوپەیمانان بەسەر پێشمەرگە دابەش دەکرێت

ئاڤا نیوز

 

وەزارەتی پێشمەرگە هەموو ڕێکارە دارایی و ژمێرکارییەکانی تەواوکردووە و هەفتەی داهاتوو هاوکاری دارایی هاوپەیمانان دەخرێتە سەر هەژماری وەزارەتی پێشمەرگە و دەست بە دابەشکردنی دەکرێت.

 

وێنە گەورەکە: 47 هەزار پێشمەرگە مانگانە هەر ئەفسەر و پلەدارێک بڕێک پارە وەک هاوکاریی دارایی لە هاوپەیمانان وەردەگرن، تاوەکو 01-01-2026 پڕۆسەکە بەردەوام دەبێت.

 

زانیاریی تایبەت: سەرچاوەیەک لە وەزارەتی پێشمەرگە بە ئاڤای گوت، "هەفتەی داهاتوو لە نێوان ڕۆژانی یەکشەممە و دووشەممە هاوکاریی دارایی هاوپەیمانان بۆ مانگی سێ بەسەر هێزەکانی پێشمەرگە دابەش دەکرێت."

 

ئەمەش بزانە: هاوپەیمانان مانگانە 20 ملیۆن دۆلار دەدەنە هێزەکانی پێشمەرگە و بەشێکی بۆ پێداویستی لۆجستییە و ئەوەی کە دەمێنێتەوە دەکرێت بە هاوکاریی دارایی و هەر پێشمەرگەیەک سەرووی 230 هەزار دینار وەردەگرێت.