ئیسرائیل دیمەشق و حەمای سووریا بۆردوومان دەکات

ئاڤا نیوز

 

فڕۆکە جەنگییەکانی ئیسرائیل لە دوو هێرشی جیاوازدا دیمەشقی پایتەخت و شاری حەما دەکەنە ئامانج.

 

ڕاگەیێنراوی فەرمی: ئاژانسی هەواڵی سووریا ڕایگەیاند، ئێوارەی ئەمڕۆ چوارشەممە 2-4-2024 فڕۆکە جەنگییەکانی ئیسڕائیل دەوروبەری بینای توێژینەوەی زانستی کە دەکەوێتە گەڕەکی بەرزە لە ناوەڕاستی دیمەشقی پایتەخت بۆردوومان کردووە.

 

زانیاریی بەدەستهاتوو: میدیاکانی سووریا بڵاویانکردەوە، فڕۆکە جەنگییەکانی ئیسرائیل ئێوارەی ئەمڕۆ چوارشەممە 2-4-2024،  فڕۆکەخانەی سەربازی حەمایان کردۆتە ئامانج. 

 

لەلایەکی دیکەوە: بەگوێرەی دەزگای پەخشی ئیسڕائیل، بۆردوومانەکەی ئەمڕۆی ئیسرائیل فڕۆکەخانەی سەربازیی T4ـی لە سووریا کردووەتە ئامانج.

 

ئەمەش بزانە: لە چەند ڕۆژی ڕابردووەوە فڕۆکە جەنگییەکانی ئیسرائیل هێرشی ئاسمانییان بۆ سەر چەند ناوچەیەک لە سووریا و لوبنان و غەززە دەستپێکردووەتەوە.