کاردانەوەی وڵاتان بەرامبەر بە سەپاندنی پێناسی گومرگی لەلایەن ترەمپ

ئاڤا نیوز

 

بەشێکی زۆر لەو وڵاتانەی کە دۆناڵد ترەمپ، سەرۆکی ئەمریکا بڕیاری دا پێناسی گومرگی بەسەر هەناردەی کاڵاکانیان بۆ ئەمریکا بسەپێنێت، هاتنە دەنگ و دەڵێن، ئەم هەنگاوە ڕاگەیاندنی جەنگی بازرگانییە.

 

وێنە گەورەکە:  ڕۆژی چوارشەممە ڕێککەوتی 2ـی 4ـی 2025، ئەمریکا بە بڕیاری دۆناڵد ترەمپ سەرۆکی ئەو وڵاتە پێناسی گومرگی بەسەر بەشێکی زۆری وڵاتانی جیهان سەپاند کە کاڵا و شتومەک هەناردەی بازاڕەکانی ئەمریکا دەکەن. ئەوەی جێگەی سەرنج بوو هەندێک لەو وڵاتانە دۆست و هاوپەیمانی ئەمریکان.

 

ئەوەی پێویستە بیزانیت: کاردانەوەی بەشێك لەو وڵاتانە بەرامبەر هەنگاوەکەی سەرۆکی ئەمریکا:

 

- ئۆرسۆلا ڤۆن دێر لاین، سەرۆکی کۆمیسیۆنی ئەوروپا، هەنگاوەکەی ترەمپی بە گورزێکی گەورە بۆ ئابووریی جیهان وەسفکرد و ڕایگەیاند: ئابووریی جیهان زیانێکی گەورەی بەردەکەوێت و ناسەقامگیری زیاتر دەبێت.

 

- بەریتانیا: سەرۆکوەزیرانی ئەو وڵاتە ڕایگەیاند: ئەو بڕیارەی ئەمریکا کاریگەریی نەرێنی لەسەر ئابووری وڵات دەبێت و لەگەڵ ئەوەشدا خۆمان بۆ ڕووبەڕووبونەوەی ئەو بڕیارە ئامادە دەکەین.

 

- ئیتاڵیا: جۆرجیا میلۆنی، سەرۆکوەزیرانی ئەو وڵاتە سەبارەت بە سەپاندنی باجی گومرگی بەسەر کاڵاکانی وڵاتەکەی لەلایەن ئەمریکاوە ڕایگەیاند، باجی گومرگی هەنگاوێکی دۆستانە نییە و لەوانەیە ببێتە هۆی جەنگی بازرگانی.

 

-ئوسترالیا: ئەنتۆنی بانیز، سەرۆکوەزیرانی ئوسترالیا ڕایگەیاند، باجەکانی ترەمپ ناڕەوایە و پەیوەندیی وڵاتەکەی لەگەڵ ئەمەریکا دەگۆڕێت.

 

- چین: بە توندی دژی باجی گومرگی ئەمریکاین و ڕێوشوێنی پێویست بۆ بەرپەرچدانەوە و پاراستنی ماف و بەرژەوەندییەکانی وڵاتەكەمان دەگرینەبەر.

 

لەلایەکی دیکە: ترەمپ دەڵێت، "ئەم هەنگاوە بۆ ڕزگارکردنی ئابووریی ئەمەریکایە، هیواخوازم کورتهێنانی بازرگانی کەمبکاتەوە و هانی پیشەسازی ناوخۆیی بدات". 

 

ئەوەی لەبارەیەوە دەگوترێت: ژووری بازرگانیی ئەمەریکا ئەم هەنگاوە بە "باجێکی فراوان لەسەر بەکاربەران" پێناسە دەکات و هۆشداری لە بەرزبوونەوەی بەرچاوی نرخەکان دەکات.