کۆنفرانسی نێودەوڵەتی گۆڕانی کەشوهەوا لە هەولێر بەڕێوەدەچێت

ئاڤا نیوز

زانکۆی سەلاحەدین یەکەمین کۆنفرانسی نێودەوڵەتی گۆڕانی کەشوهەوا و ئاستەنگ و چارەسەرەکانی لە هەولێر بەڕێوەدەبات.

ڕاگەیێنراوی فەرمی: ڕۆژی هەینی، زانکۆی سەلاحەدین بڵاویکردەوە،  بە بەشداری 15 وڵات و 29 زانکۆی ناوخۆیی و عێراقی و وڵاتانی عەرەبی و ئەورووپی، یەکەمین کۆنفرانسی نێودەوڵەتی لەسەر گۆڕانی کەشوهەوا و ئاستەنگەکان و چارەسەرەکان بەڕێوەدەبات.

زانیاریی زیاتر: کۆنفرانسەکە لە ڕۆژی 8 و 9ـی نیسان بەڕێوەدەچێت، هەروەها 163 توێژەر بە 54 توێژینەوەی زانستی لە کۆنفرانسەکەدا بەشدار دەبن.

بۆچی گرنگە: بەشێک لە کۆنفرانسەکە تایبەتە بە دیراسەکردن و لێکۆڵینەوە لەسەر ژینگەی هەرێمی کوردستان و ئەو دوکەڵە ڕەشەی بەسەر ئاسمانی شاری هەولێرەوەیە.