پاشماوەکانی جەنگ تەنگی بە خەڵکی سووریا هەڵچنیوە و خاچی سووریش هۆشداری دەدات

ئاڤا نیوز

 

بەهۆی بوونی مین و تەقەمەنی و پاشماوەی جەنگ لە سووریا، خاچی سووری نێوەدەوڵەتی  هۆشداری لە بوونی مەترسیی لەسەر ژیانی خەڵکی ئەو وڵاتە دەدات.

 

ڕاگەیێنراوی فەرمی: لیژنەی نێودەوڵەتیی خاچی سوور داوای وەڵامدانەوەی بەپەلەی بۆ پەرەسەندنی مەترسییەکانی مین و پاشماوە تەقینەوەکانی جەنگ لە سووریا دەکات و هۆشداریشیدا لەوەی ئەم ماددە کوشندەیانە ژیانی کەسانێکی زۆر دەخاتە مەترسییەوە.

 

لێدوانی فەرمی: ستیفان ساکالیان، سەرۆکی شاندی کۆمیتەی نێودەوڵەتیی خاچی سوور لە سووریا ڕایگەیاند، لە 8-12-2025 ژمارەی کوژراون بەهۆی تەقینەوەی مینەوە بەڕێژەیەکی بەرچاو بەرزبووەتەوە، هاوکات ئافرەت، منداڵ و جووتیاران لە ڕیزی ئەو کەسانەن کە زۆرترین زیانیان بەرکەوتووە.

زانیاریی زیاتر: "لە دوای ڕووخانی ڕژێمی بەشار ئەسەدەوە تاوەکو ئێستا 700 کەس بەهۆی مین و تەقەمەنییەوە کوژراون یان برینداربوون".

 

لەلایەکی دیکەوە: ئەم پاشماوانە بوونەتە هۆکار بۆ دروستکردنی ئاڵنگاریی بۆ کەرتی پەرەوەردە، چاودێریی تەندروستی، کشتوکاڵ و لەوەڕاندنی ئاژەڵەکان، هاوکات ئەمە مەترسیی نائاسایشی خۆراک زیاتر دەکات.