بەهۆی گەشتێکی گرانبەها بەرپرسێکی ئێرانی لە کارەکەی دووردەخرێتەوە

ئاڤا نیوز

 

مەسعود پزشکیان، سەرۆککۆماری ئێران، جێگرەکەی بۆ کاروباری پەرلەمانی لە کارەکەی دوورخستەوە، بەهۆی ئەوەی هەستاوە بە ئەنجامدانی گەشتێکی گرانبەها.

 

وێنە گەورەکە: لەکاتێکدا ئێران لەگەڵ هەڵاوسان دەجەنگێت و لەنێو قەیرانێکی ئابووریی سەختدایە، جێگری مەسعود پزشکیان بۆ کاروباری پەرلەمان گەشتێکی گرانبەهای بۆ جەمسەری بەستەڵەکی باشوور 'ئەنتارکتیکا' کردووە. 

 

ئەوەی لەبارەیەوە دەگوترێت: شەهرام دابیری، جێگری سەرۆککۆماری ئێران بۆ کاروباری پەرلەمان، وێنەیەکی خۆی لەگەڵ ئافرەتێک کە دەگوترێت خێزانیەتی لە سۆشیاڵ میدیای خۆی لەناو کەشتییەک بڵاوکردەوە.

 

لێدوانی فەرمی: مەسعود پزشکیان، سەرۆککۆماری ئێران ڕایگەیاند، ئەو گەشتە گرانبەهایانەی لەلایەن بەرپرسانی حکومەتەوە دەکرێن، تەنانەت ئەگەر لەسەر گیرفانی خۆیان بێت، ناڕەوا و ناتەبایە لەگەڵ ئاستی گوزەرانی کەمی کاربەدەستانی وڵاتەکە.

 

ئەمەش بزانە: دابیری، پزیشکە و تەمەن 64 ساڵە، کەسێکی متمانەپێکراو و  نزیکی پزشكیانە، مانگی هەشتی ساڵی ڕابردوو لە پۆستەکەی دەستبەکار بووە.

 

کاریگەری و لێکەوتەکان: دوای بیننی وێنەکان حکومەتی ئێران ڕووبەڕووی ڕەخنەی تووند بووەوە، داواکرا ئەو بەرپرسە لە کارەکەی دووربخرێتەوە، ئەمەش لەکاتێکدایە دابیری ئاماژەی بەوە کردووە، پێش ئەوەی پۆستەکە وەربگرێت ئامادەکاریی بۆ ئەم گەشتەی کردووە.