تورکیا و ئیسرائیل بۆ ڕیگریکردن لە پێکدادانی سەربازی کۆدەبنەوە

ئاڤا نیوز

لە پێناو ڕێگریکردن لە ڕووبەڕووبوونەوە و پێكدادان لە نێوان هێزەکانیان، ئیسرائیل و تورکیا لە ئاستی سەربازیدا کۆدەبنەوە.

وێنە گەورەکە: لە ئێستادا مەترسی و ئەگەری پێکدادانی سەربازی لە نێوان هێزەکانی تورکیا و ئیسرائیل لەسەر خاکی سووریا یەکێکە لە پرسە مەترسیدارەکانی ڕۆژهەڵاتی ناوڕاست و هەوڵە نێودەوڵەتی و ناوچەییەکان بەردەوامییان هەیە بۆ ڕێگریکردن لە بەرزبوونەوەی ئاستی گرژی و ناکۆکیەکان لە نێوان هەردوو وڵاتدا.

بڵاوکراوە فەرمیەکان: سەرچاوە سەربازییەکانی وەزارەتی بەرگری ئیسرائیل بۆ میدیا فەرمیەکانی ئەو وڵاتە ئاشکرایانکردووە، وەفدێکی سەربازی تورکیا لەگەڵ وەفدێکی هاوتای ئیسرائیلی گفتووگۆیان لە سەر پرسی سووریا و هەنگاونان بۆ دوورخستنەوەی ئەگەرەکانی ڕووبەڕووبوونەوەی سەربازی لە نێوان هێزەکانی هەردوو وڵات کردووە و لەسەر گفتووگۆکانیان بەردەوام دەبن.

لە لایەکی دیکەوە: هاکان فیدان، وەزیری دەرەوەی تورکیا لە چاوپێکەوتنێکدا ڕایگەیاند، بۆ دوورکەوتنەوە لە پێکدادانی سەربازی لەگەڵ ئیسرائیل گفتووگۆ و دانوستان لە نێوان هەردوو وڵات ئەنجامدراوە، بە هەمان شێوەی پەیوەندییەکانمان لەگەڵ ئەمریکا و ڕووسیا لەسەر خاکی سووریا پەیوەندی تەکنیکی و سەربازی لەگەڵ ئیسرائیل ڕێگەیەک دەبێت بۆ دوورکەوتنەوە لە ڕووبەڕووبونەوەی سەربازی.