ئەردۆغان: چاومان لە خاک و سەرچاوەی کەس نییە

ئاڤا نیوز

سەرۆککۆماری تورکیا لە میانی وتارێکیدا لە چوارەمین کۆڕبەندی دیپلۆماسی ئەنتالیا جەختیکردەوە لەوەی چاویان لە خاک و سەرچاوەی هیچ وڵاتێک نییە و ئەوان گرنگی بە مرۆڤ و ژیان دەدەن.

وێنە گەورەکە: چوارەمین کۆڕبەندی دیپلۆماسی ئەنتالیا کە لە 11 تا 13ـی مانگی چوار بە سەرپەرشتی سەرۆکایەتی کۆماری تورکیا و بە میوانداری وەزارەتی دەرەوەی تورکیا لە ئەنتاڵیا بەڕێوەدەچێت.

لێدوانی فەرمی: رەجەب تەیب ئەدۆغان، سەرککۆماری تورکیا ڕایگەیاند، چاویان لە خاک و سەروەری و سەرچاوەی کەس نییە و لە هەر شوێنێک بوونیان هەبێت گرنگی بەو شتانە نادەن کە لە ژێر زەویدان بەڵکو گرنگی مرۆڤ و ژیان دەدەن.

بەشێکی دیکە لە قسەکانی سەرۆککۆماری تورکیا:

٠ نابێت کەس بە هەڵە لە ئارامی و هەڵوێستی ئێمە بۆ چارەسەرکردنی کێشەکان لە ڕێگەی دیالۆگەوە تێبگات یان بە هەڵە لێکیبداتەوە.

٠ تورکیا وڵاتێکە دەکەوێتە ناوەندی سێ کیشوەری جیهان و کاردەکەین بۆ پەرەپێدانی پەیوەندییەکانی لەگەڵ دراوسێیەکانمان.

٠ گرنگییەکی زۆر بە پەیوەندی بازرگانیمان لەگەڵ ئەمریکا دەدەین و پێم وایە  بە بوونی دۆناڵد ترەمپ پەیوەندییەکانمان لەگەڵ ئەمریکا لە هەموو بوارێکدا گەشە دەکات.