لە کۆڕبەندی ئەنتاڵیا پانێڵێک تایبەت بە سووریا بەڕێوەدەچێت

ئاڤا نیوز

 

لە کۆڕبەندی ئەنتاڵیا، نوێنەرانی نەتەوەیەکگرتووەکان بۆ کاروباری سووریا داوا لە کۆمەڵگەی نێودەوڵەتی دەکەن هاوکاری ئیدارەی نوێی وڵاتەکە بکەن. 

 

 وێنە گەورەکە: ڕۆژی هەینی 2025-04-11، چوارەمین کۆڕبەندی دیپلۆماسی ئەنتاڵیا بە بەشداری دەیان سەرۆک و سەرکردەی وڵاتان دەستیپێکرد، ئەمڕۆ دووەم ڕۆژی کۆربەندەکەیە، ئەمڕۆ زیاتر لە چوار هەزار بەشداربوو لە کۆڕبەندەکە  ئامادە دەبن و تێیدا پانێڵێک تایبەت بە سووریا بەڕێوەدەچێت.

 

لێدوانی فەرمی:  گەیر پیدەرسن، نێردەی تایبەتی نەتەوە یەکگرتووەکان بۆ کاروباری سووریا ڕایدەگەیێنت، گفتوگۆکان  لەگەڵ ئیدارەی ئەحمەد شەرع، سەرۆککۆماری سووریا بۆ قۆناغی ڕاگوزەر بەردەوامە، داوای هاوکاری لە کۆمەڵگەی نێودەوڵەتی دەکەن، هاوکات دەشڵێت، پێویستە سزاکانی سەر سووریا هەڵبگیرێن بەمەبەستی ئاسانکاری و پێدانی دەرفەت بۆ دووبارە بوونیادنانی وڵاتەکە.

 

باکگراوند: دوای ڕووخانی ڕژێمی زیاتر لە 50 ساڵەی بنەماڵەی ئەسەد، دواجار لەلایەن هێزەکانی تەحریرولشام ڕووخاوە، حکومەتی ڕاگوزەر لەلایەن ئەحمەد شەرعەوە پێکهێنرا، ئیدارەکە هەوڵدەدات پەیوەندییە دیپلۆماسییەکان بەرەوپێشەوە ببات.