شەپۆلی بارانەکەی ئەمڕۆ تا شەو بەردەوام دەبێت

ئاڤا نیوز

بەشی پێشبینی کەشناسی ڕایگەیاندووە، ئەمشەو شەپۆلی بارانبارینەکە کۆتایی دێت و سبەی تەنیا لە ناوچە شاخاوییەکان نمە باران دەبارێت.

 

ڕاگەیێنراوی فەرمی: بەشی پێشبینی کەشناسی لە وەزارەتی گواستنەوە و گەیاندنی هەرێمی کوردستان ڕایگەیاندووە: لە سەرجەم ناوچەکانی کوردستان کەشی ئەمڕۆ باران دەبێت، هەندێ کات لێزمە باران و هەورە تریشقەشی لەگەڵ دەبێت، هاوکات لە ناوچە شاخاوییەکان و لوتکەی چیاکانی سەر سنوور بەفر دەبارێت، بەڵام ئەمشەو شەپۆلەکە کۆتایی دێت. سبەی چوارشەممە تەنیا لە ناوچە شاخاوییەکان نمە باران دەبێت.

 

لەلایەکی دیکەوە: سیروان ساڵح، شارەزای کەشناسی دەڵێت: ئەو شەپۆلەی هاتووە بڕێکی زۆر بارانی زستانەی پێیە و سەرجەم ناوچەکانی کوردستان دەگرێتەوە، هەفتەی داهاتوو پلەکانی گەرما بەرز دەبنەوە.

پلەی گەرمی ئەمڕۆ بەمجۆرە دەبێت:

هەولێر: 12 پلەی سیلیزی
سلێمانی: 15 پلەی سیلیزی
دهۆک: 11 پلەی سیلیزی 
کەرکووک : 15 پلەی سیلیزی 
 زاخۆ:   11   پلەی سیلیزی
هەڵەبجە: 14 پلەی سیلیزی
سۆران: 11 پلەی سیلیزی
حاجی ئۆمەران: 5 پلەی سیلیزی
گەرمیان: 18 پلەی سیلیزی