ترەمپ هاوکاری دارایی زانکۆی هارڤارد ڕادەگرێت

ئاڤا نیوز

 

دوای ئەوەی زانکۆی هارڤارد مەرجەکانی  ئیدارەی ترەمپی ڕەتکردەوە، ئیدارەکە دوو ملیار و 200 ملیۆن دۆلار هاوکارییەکانی بۆ زانکۆی هارڤارد ڕاگرت.

 

وێنە گەورەکە: ڕۆژی دووشەممە 14-4-2025، کۆشکی سپی ڕۆژی بڕی دوو ملیار و 200 ملیۆن دۆلاری هاوکارییەکانی هارڤاردی ڕاگرت، چونکە ئەو زانکۆیە ڕەتیکردەوە ئەو مەرجانە جێبەجێ بکات کە دۆناڵد ترەمپ، سەرۆکی ئەمریکا سەبارەت بە نەهێشتنی هەر ڕێوشوێنێکی دژی بە جووەکان لەو زانکۆیە بگرێتە بەر.

 

ڕاگەیێنراویی فەرمی: وەزارەتی دەرەوەی ئەمریکا لە بەیاننامەیەکدا ڕایگەیاند: هەراسانکردنی قوتابییە جووەکان لە ناو زانکۆی هارڤارد جێگای قبووڵ کردن نییە و پێویستە هەڕەشەکان بۆ سەر ئەو قوتابییانە ڕابگیرێن.

 

لەلایەکی دیکەوە: سەرۆکی زانکۆی هارڤار ڕەتیکردووەتەوە پابەندی داواکارییەکانی ئیدارەی ترەمپ بێت و جەختیشی لەوە کردەوە کە زانکۆکە "دانوستاندن لەسەر سەربەخۆیی خۆی و مافە دەستوورییەکانی" ناکات.

 

ئەوەی پیویستە بیزانیت: زیاتر لە 50 زانکۆ لە ئەمریکا دژی هێرشەکانی ئیسرائیل بۆ سەر کەرتی غەززە خۆپیشاندانیان کرد و پۆلیس زیاتر لە 3100 کەسی دەستگیرکرد کە زۆربەیان قوتابی بوون، سەرۆکی ئەمریکا داوای لەو زانکۆیانە کرد بە سیاسەتەکانیان بچنەوە و دژی قوتابییە خۆپیشاندەرەکان و زانکۆکان چەندین بڕیاریان دەرکرد.