تورکیا بۆ "ئۆپەراسیۆنە گەورەکە"ـی سەر پەکەکە دەست بە ئامادەکاری دەکات

ئاڤا نیوز

 

تورکیا هەڕەشە دەکات پێش هاوینی ئەمساڵ "کۆتایی بە پەکەکە" بهێنێت، بۆیە دەستی بە ئامادەکاری کردووە بۆ "ئۆپەراسیۆنێکی گەورە" لەنێو خاکی هەرێمی کوردستان و عێراق و"ڕەنگە ئەم مانگە" دەستپێبکات.

 

چیرۆکی سەرەکی: هاکان فیدان، وەزیری دەرەوەی تورکیا، یەشار گولەر وەزیری بەرگری، ئیبراهیم کاڵن بەرپرسی (میت) دوێنێ دووشەممە لەبارەی شەڕی پەکەکە و ئامادەکارییەکان بۆ فراوانکردنی هێرشەکان کۆبوونەوەیەکیان کردوووە. 

زانیارییە بەدەستهاتووەکان: بەپێی ڕۆژنامەی دەیلی سەباح یەشار گولەر گوتوویەتی "ئەگەری هەیە لە مانگی ڕەمەزاندا ئۆپەراسیۆنەکەمان دەسپێبکات" لە وەڵامی ڕۆژنامەنووسانیشدا ڕەتیکردووەتەوە وردەکاریی ئۆپەراسیۆنەکە ئاشکرا بکات. 

ئەوەی پێویستە بیزانیت: تورکیا دەیەوێت،"ڕێڕەوێکی ئەمنی بە درێژایی 30 بۆ 40 کیلۆمەتر لە سەرانسەری سنووری وڵاتەکەی لەگەڵ عێراق و سووریا" دروست بکات.

 

باکگراوند: ڕەجەب تەیب ئەردۆغان، سەرۆککۆماری تورکیا لە سەرەتای ئەم مانگەدا ڕایگەیاندبوو، "تاوەکو هاوین کێشەکانی سنوورەکەمان لەگەڵ عێراق چارەسەر دەکەین و پلانی کاریگەرمان بۆ سڕینەوەی یەکجارەکی پەکەکە هەیە".