نێچیرڤان بارزانی:  پشتیوانی لە سەرخستنی پرۆسەی ئاشتی لەتوركیا دەكەین

ئاڤا نیوز

هەرێمی كوردستان پشتیوانی لە سەرخستنی پرۆسەی ئاشتی لە توركیا دەكات، بەو پێیەی ئاشتی و سەقامگیری دەبێتە هۆی برەودان بە پەیوەندییەكانی نێوان هەرێمی كوردستان و توركیا.

چیرۆكی سەرەكی: پاشنیوه‌ڕۆی ئه‌مڕۆ هه‌ینی 2025-04-18، نێچیرڤان بارزانی، سەرۆکی هەرێمی کوردستان، پێشوازیی لە د. نوح یڵماز، جێگری وەزیری دەرەوەی تورکیا و شاندی یاوەری کرد.

ڕاگەیێنراوی فەرمی: بەگوێرەی ڕاگەیێنراوی سەرۆكایەتی هەرێمی كوردستان، لە کۆبوونه‌وه‌ی نێوان سەرۆکی هەرێمی کوردستان و جێگری وەزیری دەرەوەی تورکیا، بره‌ودان به‌ پەیوەندییەکانی تورکیا له‌گه‌ڵ عێراق و هەرێمی کوردستان و پرۆژه‌ی ڕێگه‌ی گه‌شه‌پێدان تاوتوێ کران، هه‌روه‌ها ده‌رباره‌ی هاوکاریی نێوانیان لە بوارە جیاکاندا، بە جۆرێک کە ببێتە هۆی بەهێزکردنی ئاسایش و سەقامگیری و گەشەسەندن لە ناوچەکە، بیروڕایان گۆڕییه‌وه‌.

لە لایەکی دیکەوە: پرۆسه‌ی ئاشتی له‌ تورکیا ته‌وه‌رێکی دیکه‌ی کۆبوونه‌وه‌که‌ بوو، تێیدا نێچیرڤان بارزانی پشتیوانیی هه‌رێمی کوردستانی بۆ سه‌رخستنی پرۆسه‌که‌ دووپات کرده‌وه‌. هه‌ردوولا هاوڕا بوون که‌ ئاشتی کاریگەریی ئەرێنیی لەسەر تەواوی ناوچەکە دەبێت و ئاسۆی بەرفراوانتر بۆ گەشەپێدان و هاوکاریی هاوبەش دەکاتەوە.

زانیاریی زیاتر: له‌ کۆبوونەوەکەدا دۆخی سووریا، دوایین پێشهاتەکانی ناوچەکە و چه‌ندین پرسی دیکەی جێی بایه‌خی هاوبه‌ش، خرانه‌ به‌ر باس.