سەرۆک بارزانی سەرکۆنەی هەوڵی تیرۆرکردنی سەرۆکی دەزگەی مەدا دەکات

ئاڤا نیوز

 

سەرۆك بارزانی لەگەڵ فەخری کەریم، سەرۆکی دەزگەی مەدا بۆ ڕاگەیاندن، ڕۆشنبیری و هونەر لە پیرمام کۆبووەوە؛ بیروڕایان لەبارەی بارودۆخی سیاسیی عێراق ئاڵوگۆڕ كرد.

 

ڕاگەیێنراوی فەرمی: لە دیدارەكەدا سەرۆك بارزانی وێڕای ئیدانەكردنی هەوڵی تیرۆركردنی فەخری كەریم لە مانگی ڕابردوو لە شاری بەغدا، هیوای ئەوەی بۆ خواست كە لە خزمەتكردن بە كاروباری فەرهەنگی و ڕۆشنبیریی عێراق و ئاشتی و تەبایی بەردەوام بێت". بارەگای بارزانی ڕایگەیاندووە.

 

زانیاریی زیاتر: هەردوولا بیروڕایان لەبارەی بارودۆخی سیاسیی عێراق و ئاستەنگەكانی بەردەم سەقامگیری و تەبایی نێوان عێراقییەكان ئاڵوگۆڕ كرد.