وادەی نوێکردنەوەی تۆماری دەنگدەران درێژکرایەوە

 

ئاڤا نیوز

ئەنجوومەنی کۆمیسیاران لە کۆمیسیۆنی باڵای سەربەخۆی هەڵبژاردنەکانی عێراق، وادەی نوێکردنەوەی تۆماری دەنگدەران بۆ ماوەی یەک مانگ درێژ دەکاتەوە.

وێنە گەورەکە: کۆمیسیۆنی باڵای سەربەخۆی هەڵبژاردنەکانی عێراق بەردەوامە لە ئامادەکارییەکانی بۆ بەڕێوەبردنی هەڵبژاردنی خولی شەشەمی پەرلەمانی عێراق کە بڕیارە ڕۆژی 2025-11-11، بەڕێوەبچێت.

ئەوەی پێویستە بیزانیت: لە 25ـی ئادار، ئەنجوومەنی کۆمیسیارانی کۆمیسیۆنی هەڵبژاردنەکان پرۆسەی نوێکردنەوەی تۆماری بایۆمەتری لە هەزار و 79 ناوەندی تۆمارکردن لە عێراق و هەرێمی کوردستان دەستپێکرد کە بۆ ماوەی ماوەی مانگێک دەبوو بەردەوامبێت واتە تاوەکو 24ـی نیسان.

نووسراوی فەرمی: بەگوێرەی نووسراوێک، ئەنجوومەنی کۆمیسیاران ڕەزامەندیدا بە درێژکردنەوەی پرۆسەی نوێکردنەوەی تۆماری دەنگدەران بۆ ماوەی مانگێک، کە لە سبەی پێنجشەممەوە 24ـی نیسان دەستپێدەکات.