پاکستان و هیندستان هەڕەشەی هەڵگیرسانی جەنگ دەکەن

ئاڤا نیوز

دوای هێرشی چەکداران بۆ سەر بەشی هیندی هەرێمی کشمیر، هەردوو وڵاتی هیندستان و پاکستان هەڕەشەی هەڵگیرسانی جەنگ دژ بە یەکتر دەکەن.

وێنە گەورەکە: ڕۆژی سێشەممە 22-4-2025 گروپێکی چەکداری هێرشیان کردە سەر هەرێمی کشمیر لە خاکی هیندستان، لێکەوتەکانی ئەم هێرشە هەردوو دوڵاتی خاوەن چەکی ئەتۆمی هیندستان و پاکستان بەرەو لێواری جەنگێکی وێرانکەر دەبات و لە ماوەی دوو ڕۆژی ڕابردوودا چەندین ڕێکاری تووندیان دژ بەیەک گرتووەتەبەر، ڕاگەیاندنی جەنگ گەورەترین مەترسی چاوەڕوانکراوە لە قۆناغی ئێستادا و هیندستان داوای چوونەدەرەوەی تەواوی پاکستانییەکان دەکات و دوا مۆڵەت 29ی ئەم مانگەیە.

بڵاوکراوەی فەرمی: وەزارەتی دەرەوەی هیندستان ئەمڕۆ پێنجشەممە لە بڵاوکراوەیەکی فەرمیدا داوای لە باڵیۆزخانەی هیندستان کرد بە زووترین کات خاکی پاکستان بەجێبهێڵن و ڕایگەیاند، 30ی ئەم مانگە کۆتا مۆڵەتتان دەبێت.

لە لایەکی دیکەوە: حکومەتی هیندستان هەموو سەرچاوە ئاوییەکانی پاکستانی لە خاکی خۆیەوە داخست و لە وەڵامدا پاکستان ڕایگەیاند، ئەم هەنگاوەی هیندستان ڕاگەیاندنی ئاشکرای جەنگە و دەبێت بزانن چ پێشکەوتنێک لە سیستەمی موشەکی پاکستان ڕوویداوە و بە هەڵگیرسانی جەنگ هەمووان توشی شۆک دەبن.