لە پارێزگای ڕیفی دیمەشق شەڕ و پێکدادان دەستپێدەکاتەوە

ئاڤا نیوز

 

سەرەڕای بانگەوازیی ڕێبەرە ئاینییەکانی دروزەکان و حکومەتی سووریا بۆ هێورکردنەوەی گرژییەکان، بەڵام لە چەند ناوچەیەکی پارێزگای ریفی دیمەشق شەڕ و پێکدادان دەستیپێکردەوە.

 

ئەوەی پێویستە بیزانیت: بەهۆکاری ئەوەی کەسێکی دروز بێڕێزی بە پێغەمبەری ئیسلام (د.خ) کردووە، لە دوێنێوە لە دوو ناوچەی سەر بە پارێزگای ریفی دیمەشق شەڕ و پێکدادان لەنێوان گرووپەکانی سەر بە حکومەتی سووریا و چەکدارانی دروز دروستبووە.

ژمارەکان وادەڵێن: بەگوێرەی ڕوانگەی سووریی بۆ مافەکانی مرۆڤ، بەهۆی شەڕ و پێکدادانەکانەوە تائێستا 16 کەس کوژراون و 15ی دیکەش برینداربوون، هاوکات هێزەکانی ناوخۆش بۆ کۆنتڕۆڵکردنی گرژییەکان لە ناوچەی جەرەمانا و ئەشرەفیە سحنایا بڵاوەیان پێکراوە.

لەلایەکی دیکەوە: میدیاکانی ناوخۆی سووریا دەڵێن، شەڕ و پێکدادانی ئەمشەو بە چەکی سوک و مام ناوەن بووە و تیایدا چەکی ئاڕ پی جی بەکارهێنراوە، ئاشکراشیان کردووە کە قەدەغەی هاتووچۆش لە هەردوو ناوچەی جەرەمانا و ئەشرەفیە سحنایا ڕاگەیێنراوە.