فەرەنسا گرژییەکانی سووریا سەرکۆنە دەکات و داوایەکیش لە ئیسرائیل دەکات

ئاڤا نیوز

وەزارەتی دەرەوەی فەرەنسا ڕایگەیاند، توندوتیژیی دژی دروزەکانی سووریا سەرکۆنە دەکات و داواش لە ئیسرائیل دەکات هیچ ڕێکارێکی تاک لایەنە لە سووریادا نەگرێتەبەر.

وێنە گەورەکە: لە ڕۆژی سێشەممەی ڕابردووەوە لە شارەکانی جەرمانا و ئەشرەفییە سحنایا لە پارێزگای ریفی دیمەشق شەڕ و ڕووبەڕووبوونەوە لە نێوان گرووپە چەکدارەکانی درووز و هێزەکانی حکومەت بەردەوامە و بەهۆیەوە لانیکەم 74 کەس کوژراون، دوێنێش ئیسرائیل بۆ پشتیوانی دروزەکان چەندجارێک هێزەکانی سووریای لەو دوو شارە کردە ئامانج.

ڕاگەیێنراوی فەرمی: وەزارەتی دەرەوەی فەرەنسا لە ڕاگەیێنراوێکدا ئاماژەی بەوەشکردووە، گرژییەکان دژی درووزەکان لە سووریا سەرکۆنە دەکات، داواش لە هەموو لایەنەکانی ئەو وڵاتە دەکات گرژییەکان ڕابگرن و بۆ بەهێزکردنی ئاشتی کۆمەڵایەتیی هەموو هەوڵێک بخەنەگەڕ.

-داواش لە ئیسرائیل دەکات هیچ ڕێکارێکی تاک لایەنە لە سووریادا نەگرێتەبەر کە ببێتەهۆی زیاتربوونی گرژییە کۆمەڵایەتییەکان.