درووزییەکان جەخت لەسەر یەکپارچەیی خاکی سووریا دەکەنەوە

ئاڤا نیوز

چەند کەسایەتییەکی دیاری پێکهاتەی درووزییەكانی سووریا لە ڕاگەیێنراوێکدا هەڵویستی خۆیان سەبارەت بەڕووداوەکانی ئەم دواییەی ناوچە درووزیی نشینەکان خستەڕوو و جەختیش لەسەر یەکپارچەیی خاکی سووریا دەکەنەوە.

وێنە گەورەکە: سێ ڕۆژە لە ناوچە درووزیی نشینەکان لە پارێزگای ریفی دیمەشق شەڕ و پێکدادان لەنێوان هێزەکانی حکومەت و چەکدارە درووزییەكان دروستبووە و بەهۆیەوە لانیکەم 56 کەس لە هەردوولا کوژراون.

ڕاگەیێنراوی فەرمی: لەڕاگەیێنراوەکەدا ئەو کەسایەتییانە جەخت لەسەر یەکپارچەیی خاکی سووریا دەکەنەوە و درووزییەکانیش بەبەشێکی سەرەکی کۆمەڵگەی سووریا ناو دەبەن.

- ئەو کەسایەتییانە داوای کاراکردنی ڕۆڵی هێزەکانی ناوخۆ و پۆلیس و دادگا لە پارێزگای سوەیدا دەكەن و دەڵێن، دەستەبەرکردنی سەقامگیری و ئارامی ڕێگای نێوان سوەیدا و دیمەشق و هەموو  ناوچە درووزیی نشینەکان ئەرکی دەوڵەتە.