ئێران: لەژێر گوشارەکانی ئەمریکا سیاسەتمان ناگۆڕین

ئاڤا نیوز

ئێران هۆشداری دەدات و دەڵێت، بەردەوامبوونی سزاکانی ئەمریکا گۆڕانکاری لە سیاسەتیاندا ناکات، ئەمەش دوای ئەوەی دۆناڵد ترەمپ، سەرۆکی ئەمریکا هەڕەشەی سەپاندنی سزای بەسەر وڵاتان یان ئەو کەسانەدا کرد کە بازرگانی بە نەوتی ئێرانەوە دەکەن.

وێنە گەورەکە: دۆناڵد ترەمپ، سەرۆکی ئەمریکا ڕایگەیاند، دەبێت کڕینی نەوت یان بەرهەمە پترۆکیمیاییەکانی ئێران بوەستێنرێت و هەرکەس و وڵاتێک نەوت یان بەرهەمی پترۆکیمیایی لە ئێران بکڕێت دەستبەجێ سزای بەسەردا دەسەپێنن.

ڕاگەیێنراوی فەرمی: وەزارەتی دەرەوەی ئێران ڕایگەیاند، بەردەوامبوونی ڕەفتارە نایاساییەکانی ئەمریکا، هەڵوێستە لۆژیکی و ڕەوا و پابەندی ئێران بە یاسا نێودەوڵەتییەکان ناگۆڕێت. سەپاندنی سزا لەلایەن ئەمریکاوە، گومانی قووڵ و بێ متمانەیی لەسەر جدیبوونی ئەمریکا لەسەر ڕێبازی دیپلۆماسی دروستدەکەن.