خاچی سوور: دۆخی غەززە لە بەردەم داڕمانێکی تەواودایە

 

ئاڤا نیوز

ڕێکخراوی خاچی سووری نێودەوڵەتی هۆشداریی لە خراپیی دۆخی مرۆیی کەرتی غەززە دا و ڕایەگیاند دۆخەکە لە بەردەم داڕمانێکی تەواوەتیدایە.

وێنە گەورەکە: دوو مانگە ئیسرائیل گەمارۆی تەواوەتی لە سەر کەرتی غەززە داناوە و ڕێگە نادات هیچ جۆرە خۆراک و یارمەتییەکی مرۆیی بچێتە ناو کەرتەکەوە و هاوکات لە ‌هێرشەکانی بەردەوامە و ڕۆژانە خەڵک دەکوژێت. بە هۆی گەمارۆکانەوە ژیانی زیاتر لە دوو ملیۆن کەس لە دانیشتوانی غەززە لە بەردەم هەڕەشەی قاتوقڕی و  برسییەتییەکی تووند دایە.

ڕاگەیێنراوی فەرمی: خاچی سووری نێودەوڵەتیی لە ڕاگەیێنراوێکدا ڕایگەیاندووە "بەبێ دەستپێکردنەوەی خێرای گەیاندنی یارمەتی، کۆمیتەی نێودەوڵەتیی خاچی سوور دەستی بە خواردن، دەرمان و پێداویستییەکانی ڕزگارکردن ناگات کە بۆ بەردەوامبوونی زۆربەی بەرنامەکانی لە غەززە پێویستن."