کەسێک بەهۆی هەوڵدان بۆ فرۆشتنی مانگایەکی نەخۆش دەستگیر دەکرێت

ئاڤا نیوز

لیژنەی هاوبەشی قایمقامیەتی ڕانیە بە هاوبەشی بەشی ئابووری بەرێوەبەرایەتی ئاسایشی ڕاپەڕین، دوای ئەوەی دڵنیابوونەوە کەسێک دەیەوێ مانگایەکی نەخۆش ساغ بکاتەوە دەستگیری دەکەن.

چیرۆکی سەرەکی: ئەو مانگایە نەخۆشی تەبەقەی هەبووە، خاوەنەکەی لەشەودا ویستوویەتی ساغی بکاتەوە، بەڵام نەیتوانیوە و مانگاکە مرداربووەتەوە و لاشەکەی لەنێو گەنمی هاووڵاتییەک دۆزراوەتەوە کە دوور لە ڕێنماییەکان فڕێدرابوو.

زانیاریی بەدەستهاتوو: لیژنە هاوبەشەکان بەهاوبەشی بەشی ئابووری ئاسایشی ڕاپەڕین شەو و ڕۆژێک بەدواداچوونیان کرد، بۆ ئەوەی ئەو مانگا نەخۆشە بدۆزنەوە دوای 12 کاتژمێر لە بەدواداچوون بۆیان دەرکەوت مانگاکە مردار بووەتەوە و  لەشوێنێکی زۆرخراپ فڕێدراوە.

زانیاریی زیاتر: دوای ئاگادارکردنەوەی بەشی لێکۆڵینەوە، خاوەنی مانگاکە دەستگیرکراو لاشەی مانگاکەیان پێ گواستەوە بۆ شوێنێکی گونجاو و دوور لەدانیشتوان و بەشێوەیەکی زانستی ژێر خاک کرا.