فایلی خەڵک؛ خانەوادەی منداڵە سووتاوەکانی بەحرکە داوای هاوکاریی زیاتر دەکەن

ئاڤا نیوز

بەهۆی ڕووداوی ئاگرکەوتنەوە لە ناحیەی بەحرکە لە شاری هەولێر پێنچ منداڵ دەسووتێن و سیانیان دۆخی تەندروستییان خراپە، وەزیری تەندروستیش دەڵێت لە نزیکەوە چاودێرییان دەکەین.

چیرۆکی سەرەکی: هەفتەیەک پێش ئێستا لە گوندێکی بەحرکەی هەولێر، لە ڕووداوێکی ئاگرکەوتنەوە، پێنج منداڵی خزمی یەک سووتان. سیانیان دۆخی تەندروستییان خراپە ئێستا لە نەخۆشخانەی ئیمێرجنسی هەولێرن.

خانەوادەکەی داوا لە وەزارەتی  تەندروستی دەکەن دکتۆری باشتریان بۆ دابین بکات، یان ئەگەر پێویست بکات بیاننێرن بۆ دەرەوە بۆ چارەسەر لەبەر ئەوەی ڕێژەی سووتانەکەیان زۆر زۆرەو بارودۆخیان باش نییە.

لێدوانی فەرمی: دکتۆر سامان بەرزنجی، وەزیری تەندروستی دەڵێت، ئێمە لە نزیکەوە لەگەڵیانین، چیمان لەدەست بێ بۆیان جێبەجێ دەکەین.