ترەمپ: بیرۆکەی زۆر باشم بۆ غەززە هەیە

ئاڤا نیوز

 

سەڕەڕای بەردەوامبوونی شەڕی غەززە، سەرۆکی ئەمریکا لە نوێترین لێدوانیدا لەسەر غەززە، خواستی وڵاتەکەی دووپاتدەکاتەوە تاوەکو خاوەندارێتیی کەرتەکە بگرێتە دەست.

 

لێدوانی فەرمی: دۆناڵد ترەمپ، سەرۆکی ئەمریکا دەڵێت، بیرۆکەی زۆر باشم هەیە بۆ غەززە، ئەویش ئەوەیە غەززە بیکەینە ناوچەیەکی ئازاد، شانازی دەکەم ئەگەر ولایەتە یەکگرتووەکانی ئەمریکا خاوەندارێتیی غەززە بکات.

 

زانیاریی زیاتر: ترەمپ چەندین جار بیرۆکەی ڕاگواستنی دانیشتووانی غەززەی خستۆتەڕوو، بەڵام وڵاتانی عەرەبی ئەم پێشنیازەیان ڕەتکردووەتەوە.

 

ئەمەش بزانە: کەرتی غەززە یەکێکە لە ناوچە فراوانەکانی فەلەستین و دوو ملیۆن کەسی تێدا دەژی.

 

باکگراوند: لە ساڵی 2023ـەوە شەڕ لە کەرتی غەززەوە بەردەوامە، سەرەڕای وێرانکاری زۆر، دۆخی مرۆیی ناوچەکە لە ئاستێکی زۆر خراپدایە، ڕێکخراوە مرۆییەکانیش هۆشداری لە کارەساتی مرۆیی دەدەن، نێوەندگیرانی ئاگربەستی غەززە، میسر، قەتەر و ئەمریکا هەوڵدەدەن ئاگربەستێکی هەمیشەیی بۆ ناوچەکە بهێننە ئاراوە، بەڵام جگە لە چەند ئاگربەستێکی کاتی و کورتمەدودا نەتوانراوە ئەو کارە بکرێت.