ئیسرائیل کۆگایەکی چەک لە سووریا بوردوومان دەکات

ئاڤا نیوز

بەرەبەیانی ئەمڕۆ ئیسرائیل هێرشی ئاسمانی کردە سەر دوو ئامانج لە پارێزگای دیمەشق، یەکێک لەوان کۆگایەکی چەکە و بەهۆی هێرشەکەوە سەربازێک بریندار بووە. 

وێنە گەورەکە: هێرشەکەی ئیسرائیل بەئامانجی لەنێوبردنی کۆگایەکی گەورەی چەکی سوپای سووریا بووە لە چیای قەلەموون لە پارێزگای دیمەشق کە لەلایەن ‌حیزبوڵڵای لوبنانەوە بەکارهێنراوە. هەروەها پێگەیەکی دیکەی بەتالیۆنێکی سوپای سووریای کردووەتە ئامانج. 

زانیاریی زیاتر: بەگوێرەی میدیای فەرمیی سووریا، بەرگریی ئاسمانیی ئەو وڵاتە توانیویەتی بەشێک لە مووشەکەکان بخاتە خوارەوە.

باکگراوند: لەوەتەی شەڕی ناوخۆی سووریا لە ساڵی 2011ەوە دەستیپێکردووە، ئیسرائیل سەدان هێرشی ئاسمانی کردووەتە سەر ئەو وڵاتە. زۆربەی هێرشەکان هێزەکانی سەر بە ئێرانیان بەئامانج گرتووە، لەوانەش هێزەکانی ‌حیزبوڵڵای لوبنان کە لە سووریاش ئامادەییان هەیە.

لێرەوە وێنە و ڤیدیۆی هێرشەکە ببینە

Video and photos of strikes by #Israel near Damascus, #Syria tonight. Comes after a projectile was launched from Syria at Israel. Also today #Syria's defense minister was visiting #Iran. pic.twitter.com/HJiBwzA5K2

— Jason Brodsky (@JasonMBrodsky) March 16, 2024