لێدوانی نوێ لە مەسرور بارزانییەوە لەبارەی مووچە: دەستبەرداری مافە دەستوورییەکان نابین

ئاڤا نیوز

جێگری سەرۆکی پارتی لەگەڵ بەرپرسی  لقەکانی پارتی کۆبووەوە و جەختیکردەوە کە خەڵکی کوردستان هەرگیز دەستبەرداری مافە دەستوورییەکانی نابێت و دەبێت ڕێز لە قەوارەی دەستووریی هەرێمی کوردستان و مافەکانی بگیرێت.

وێنە گەورەکە: ئەم لێدوانەی سەرۆکوەزیران مەسرور بارزانی لەکاتێکدایە، لە کۆتایی هەفتەی ڕابردوو بەغدا بڕیاری ڕاگرتنی مووچەی خەڵکی کوردستانی داوە. ئەم بڕیارەش کاردانەوەی بەشێکی هێز و لایەنە سیاسییەکانی هەرێمی کوردستانی بەدوای خۆیدا هێنا.

ڕاگەیێنراوی فەرمی: مەسرور بارزانی، جێگری سەرۆکی پارتی لە کۆبوونەوەکەدا جەختیکردەوە لەوەی هەرێمی کوردستان و خەڵکەکەی هەرگیز دەستبەرداری مافە دەستوورییەکانی نابێت و دەبێت ڕێز لە قەوارەی دەستووریی هەرێمی کوردستان و مافەکانی بگیرێت.

لەلایەکی دیکەوە: ڕێکەوتى 31-5-2025، 43 هێز و لایەنی سیاسیی کوردستان کۆبوونەوە و دواتر لە ڕاگەێینراوێکی هاوبەشدا ئاماژەیان بەوەدا کە بەپێى دەستوورى هەمیشەیى عێراق و بڕیارى دادگاى فیدراڵى پێویستە بەغدا پابەندبێت بە ئەرک و پابەندییەکانی خۆى بەرامبەر بە خەڵکى هەرێمى کوردستان، مافى مووچەخۆرانى هەرێمی کوردستان تێکەڵ بە ململانێ سیاسییەکان نەکرێت.